- Otqa qoqqan taqadek, suvdan chiqqan baqadek, bir mirilik chaqadek - ma’orif sho‘rosiga salo-o-om!
- O‘zi chetka buqinib, shaxsiyatga to‘kunub, allakimga cho‘qunub - o‘g‘ri ushlaganga salo-o-om!
- Ko‘rungan yer oq salla, oq bo‘lsa ham bo‘sh kalla, oo‘u qora ham malla - Turkiston ulamolariga salo-o-om!
- Boshlarig‘a soch qo‘yg‘on, otlarini yosh qo‘yg‘on, fahsh degonni fosh qilg‘on, yana otini yosh qo‘yg‘on - dumsizlarimizga salo-o-om!
- Maskov borib kelibon, minglab foyda qilibon, haftada gap yeyibon, tomga karnay qo‘yibon; xalq qayg‘usini yemayin, maktab ochay demayin; ellik-oltmish qo‘y bergon, sakkiz kunlab to‘y bergan - Turkiston savdogarlariga salo-o-om!..
Amma-xolasi havodor, aylanay!