OʼZ  ЎЗ  РУ  EN

Futbol sharhlovchilari xato qilsa...

 (Jumlalar rostdan ham efirda yangragan)

• Match boshlanishiga besh daqiqa qoldi, hisob hamon 0:0.

• Bu forma hujumchining omadli libosi! Mana o‘n besh yildirki, u mana shu libosni yechmaydi!.. 

• Shunday kuchli va xavfli raqibga gol urganidan xursand bo‘lgan Badjo darvozaga osilib qoldi!

• Vialli yon chiziqdan raqib oyoqlari bilan birga chiqib ketdi.

• Ronaldoga jarohat yetkazishdi. Hakam endi vrachlar yordamiga ehtiyoj yo‘qligini ko‘rsatmoqda.

• Shovkovskiy o‘zining hayotdagi do‘sti — Vladislav Vaщukdan pasni qabul qilib oldi. Darvoqe, ular turmush qurishgan.

• Per Luiji Kollina sukut saqlayapti. Buni hatto men ham eshitayapman.

• Ikkinchi taym Yuvenning Turintus jamoasi hujumi bilan boshlandi.

• Ay-yay-yay-yay-yay! Fikrimga qo‘shilasizmi?

• Shvedlarning bosh murabbiyining ko‘zlaridan baxt yoshlari oqmoqda... E, yo‘q,yordamchilaridan kimningdir qo‘li uning ko‘ziga kirib ketibdi.

• Maminov Sergey Gashkinning oyoqlaridan foydalanib to‘pni chiqarib yubordi.

• Zarba juda kuchli bo‘ldi. To‘p himoyachining boshiga tegdi. Agar uning ichida miya bo‘lsa, chayqalgan bo‘lishi mumkin.

• Akopyants bugun hamma joyda ko‘rinmoqda — hozirgina raqib darvozasiga hujum qilgandi, endi o‘z darvozasi oldida yumalab yotibdi.

• Negadir men Ouenni yo‘qotib qo‘ydim. Maydonda ham yo‘q, o‘rindiqda ham ko‘rinmayapti. Biror joyga yashirinib oldimikan-a?

• Titov avstriyalikdan pas qabul qilib oldi. Juda yaxshi to‘p uzatish. O‘zimiznikilardan bunaqasini olish qiyin.

• Maydon chetida murabbiy faol harakatda: qichqirayapti, qo‘li bilan ko‘rsatayapti, ichyapti, ba’zan esa chekayapti ham...

• Yon chiziq hakami chiroyli holatlar ko‘rsatmoqda. Avval balet bilan shug‘ullangan bo‘lsa kerak.

• Bu to‘p uzatish tribunada o‘tirgan biror tanish yoki yaqin odamga bo‘lsa kerak.

• Himoyachilar ortda qolib ketishdi va hujumchi darvozabonni xotirjam nishonga oldi.

• «Mash’al» «Paxtakor» qancha gol urgan bo‘lsa, shuncha to‘p kiritdi. Ya’ni birorta ham emas.

• ...va bizning hujumchi raqib jarima maydonchasi ichida yiqilib tushdi! Hakam nima demoqda? Hakam bugun tashqarida havo ancha sovuq va shuning uchun yerda uzoq yotmaslik kerak deydi.

• Hakam ogohlantirish berdi: kolumbiyaliklardan to‘pni olib qo‘ymaslik kerak, ular ham futbol o‘ynash uchun kelgan.

• O‘yinchilar juft-juft bo‘lishdi va harakatlana boshlashdi.

• Leonenko 45 daqiqadan buyon chigalyozdi mashqlarini bajarmoqda. Judayam qizib ketmadimikan?

• To‘p o‘zi uchun maxsus tayyorlab qo‘yilgan darvoza to‘riga borib tushdi.

• Mana, o‘ttiz yettinchi daqiqa tugashi bilanoq o‘ttiz sakkizinchi daqiqa ham boshlandi.

• Mana, madhiyalar yangradi. Endi eng qizig‘i boshlanadi.

• Vaziyatni o‘rganib chiqib, Klinsmann Frantsiya tomon kuchli zarba yo‘lladi.

• Juda kuchli zarba — «Bolton» futbolchisi o‘z jamoasi o‘yinchisini o‘ldirib qo‘yishiga oz qoldi.

• BAA futbolchilari bezgak kasalligi tutqanog‘ini namoyish qilib berishyapti. Bu muxlislarga yoqdi va ular o‘z jamoasini qo‘llab-quvvatlay boshladilar.

Saytimiz rivojiga hissa

Uzcard: 8600 5504 8563 9786

© 2004-2020 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.