Abulfazl Ubaydulloh ibn Ahmad Mekoliy - O‘rta osiyolik arabnavis shoir

1

Pok muhabbatga saxiy ohu bu on
Menga etmish dardi hijron armug‘on.
U hijob birlan bo‘lur g‘oyib, netay,
Bo‘lsa hamxonam, etar bag‘rimni qon.

U mening ruhim, bu xil g‘oyib bo‘lish
Ruh uchun inkor etilmas hech qachon.

2

Meni o‘z vaslidan mahbuba daf etdi,
Ko‘zimdan uyquni bu dard yalab ketdi.

Sochildi yoshlarim dur misli so‘ngsiz,
Bu hol oxir qovog‘imni sadaf etdi.
3

Bizga ijod etdi bul kun navbahor,
Marvarid ichra aqiqdek lolazor.

Shodadan boqqan shaqoyiq gullari
Xol bezatgan qiz yuzidek beg‘ybop.

4

Menga xushbo‘y bir binafsha et ato,
Qalbga shodlik aylasin baxsh bexato.

Qisqa umrimning davomli bo‘lmog‘in
Et xabar, deb, unga qildim iltijo.
    
Husniddin Sharipov tarjimasi