Muhabbat yashaydi hamma zamonda
 
Ishq zamoni emas –
bizning bu zamon.
Ishq ovozin ko‘mgin.
Quyoshni so‘ndir.
Bugun olam – jang uchun maydon,
Shiori – “zarba ber”, “chavaqla”, “o‘ldir”.
O‘ldirgin va yoki jang qil o‘lguncha.
Nafrat qo‘ng‘irog‘i yangrar basma-bas,
Bu zamon – jang vaqti,
ishq vaqti emas.
 
Yo‘q aslo, qalb ulkan mehrga to‘liq,
Ko‘ngil keng – unda joy bordir oq-oydin.
Sevgan dillar istar ishq olovini.
Men sevib zaifmas, badtar kuchaydim.
Meni o‘z domiga tortmaydi sukunat,
Meni jangga chorlar asli muhabbat.
Men miltiqni bir qo‘limga olaman,
Bir qo‘lda – nay,
ishq kuyini chalaman…

Karim Bahriyev tarjimasi